कदमाहामा नि:शुल्क स्वास्थ्य शिविर सम्पन्न

सिरहाको बरियारपट्टि गाउँपालिका वडा नं. ५ कदमाहा गाउँम नि: शुल्क स्वास्थ्य शिविर सप्पन्न भएको छ । नेशनल वित्तिय लघुबित्त संस्था लिमिटेडको आयोजनामा नि: शुल्क स्वास्थ्य शिविर सम्पन्न भएको संस्थाको प्रमुख कार्यकारी निर्देशक (सिईओ) राम बहादुर यादवले जानकारी दिए । ग्रामीण क्षेत्रमा स्वास्थ सेवाको पहुँचबाट बन्चित रहेका आम जनसमुदायलाई लक्षित गरि आयोजना गरिएको स्वास्थ सिविरबाट ४ सयभन्दा बढीले लाभ लिएको सिईओ यादवले बताए ।

संस्थाको सिईओ रामबहादुर यादवको अध्यक्षतामा भएको कार्यक्रममा प्रमुख अतिथिको पुर्व सांसद अमिर यादवको प्रमुख आतिथ्यतामा कर्यक्रम सम्पन्न भएको छ । कार्यक्रममा  बिशिष्ट अतिथि गाउँपालिका प्रमुख सन्तोष महतो, उपप्रमुख प्रमुख ममता यादव लगायतको उपस्थित रहेको थियो ।